Ang Kapangyarihan ng Retorika sa Mundo ng Networking

Ang Kapangyarihan ng Retorika sa Mundo ng Networking

Isinulat nina Judy Anne Cabico at Maria Fe Matienzo

­­­­­­­­­­­­­­­­­­­­­­­­_________________________________________________________________________
 Mga Layunin:    

       1.    Upang mapalawak ang kaisipan ng mga tao tungkol sa networking.

       2.    Maging bukas ang isipan sa pagnenegosyo.  

       3.    Upang maipakita ang nagagawa ng retorika sa networking.
_____________________________________________________________________

I.     Kahulugan ng Retorika
A.    Ang retorika ay isang mahalagang kaalaman sa pagpapahayag na tumutukoy sa kaakit-akit at     magandang pagsasalita at pagsulat. Pinag-aaralan dito ang ukol sa mga tuntunin ng malinaw, mabisa at kaakit-akit na pagpapahayag.

B.    Mahalaga ang retorika sa pang araw-araw na buhay ng isang tao dahil sa kadahilanang ang tao   ay kinakailangan ang retorika upang maipahayag ang kanyang saloobin. Malalaman ng tao ang kanyang nararamdaman at higit sa lahat ginagamit ito sa pakikipagtalastasan at paghihikayat. Ang isang tao ay nagsasalita araw-araw sa pamamagitan ng retorika, malalaman ng bawat isa ang kanilang ninanais na iparating sa bayan at sa kapwa tao. Hindi namamalayan ng mga tao na sila ay  gumagamit ng retorika sa araw-araw na buhay.

C.    Ang retorika ang kabuuan ng dili't iba kundi ang pinakahulugan ng isang simpleng kilala ng lahat na idyoma "matamis ang dila", ang kagalingan ng isang tao na: (1) makapanghikayat na gumawa ng isang bagay na ipinadaramang tama, (2) makapagpabatid ng tungkol sa mga bagay bagay na hindi pa nalalaman, at (3) makapang-aliw para makapagbigay kasiyahan at kabutihan sa  kapwa.

II.            Kahulugan ng Networking
Ang multi-level marketing o mas kilala sa tawag na networking ay tungkol sa pagkakaroon ng koneksyon at pagtatayo ng matatag na relasyon sa pagnenegosyo. Ito ay isa sa pinakamakapangyarihang istratehiya ng pangangalakal upang mapabilis at mapanatili ang tagumpay ng isang indibidwal o organisasyon. Ito ay isang team based effort o “tulungan system” upang maging matagumpay

III.           Epekto ng Retorika sa Networking

A.    Narinig mo na ba ang mga katagang “Gusto mo bang kumita?” “Gusto mo ba ng part-time job?” “Open-minded kaba?”  Ilan lang ang mga ito sa mga kadalasang maririnig mong mga tanong sa mga nagnenetworking. Syempre sino ba namang ayaw kumita ng sarili nilang pera. Sa pagnenetworking galing sa pagsasalita ang unang unang puhunan mo bukod sa pera. Ang isang taong involve sa networking ay dapat ipaunawa sa mga bagong miyembro kung paano nga ba talaga tumatakbo ang kanilang negosyo. Isa sa mga kilalang uri ng pagnenegosyo sa panahon ngayon ay ang pagnenetworking. Ito ay isa sa pinakamabisang paraan upang kumita. Madalas itong ialok sa mga kabataan, lalong lalo na sa mga estudyante na nais magkaroon ng sariling income. Upang makapanghikayat ng bagong miyembro, kinakailangan na mahusay ka sa pakikipagkomunikasyon. Ang bawat salitang binibitawan mo sa bagong recruit ay dapat malaman ang iyong mga sinasabi. Mahihikayat mo lamang ang mga tao kung maabilidad at mahusay kang magsalita o di kaya ay may dating ito sa kanila.

B.    Tanong ng marami sa networking “talaga nga bang yayaman tayo?” Ano mang negosyo, kung hindi tatrabahuhin ay walang mangyayari.

IV.          Konklusyon at Rekomendasyon
Ang kapangyarihan ng retorika sa pagnenetworking ay labis na mahalaga sapagkat ito ay makakatulong sa epektibong paraan ng panghihikayat. 
Kung ikaw ay mahusay magsalita o magaling sa panghihikayat, ang pagnenetworking ay nababagay sa iyo. Ikaw ay kikita sa paraang alam mo. Ang iyong puhunan ay ang iyong galing sa pagsasalita at panghihikayat. Upang maging mabisa ang panghihikayat kinakailangang piliin ang lugar at oras upang maging interesado at komportable ang nakikinig.